FSK ehf
FSK ehf. er íslenskt þjónustu- og tæknifyrirtæki sem sérhæfir sig í faglegum lausnum fyrir fiskeldi, sjávarútveg og uppbyggingu eldis- og vatnskerfa.
Rætur fyrirtækisins liggja hjá eTronica, sem hóf árið 2014 að þróa og þjónusta IP-myndavélakerfi og aðrar tæknilausnir fyrir íslenskt fiskeldi. Síðan þá hefur starfsemin vaxið og þróast í takt við þarfir greinarinnar og í dag býður FSK upp á fjölbreytt úrval búnaðar og lausna fyrir bæði landeldi og sjóeldi.
Undir vörumerkinu Fiskar.is markaðssetjum við og seljum vandlega valinn búnað frá traustum framleiðendum til viðskiptavina á Íslandi og í Færeyjum. Áhersla okkar er á lausnir sem bæta yfirsýn, rekstraröryggi, mælingar, eftirlit og skilvirkni í daglegum rekstri.
Að baki FSK stendur reynslumikið starfsfólk með þekkingu og reynslu úr tækni- og þjónustugeiranum allt aftur til ársins 1998. Við leggjum mikla áherslu á persónulega þjónustu og að skilja raunverulegar þarfir hvers viðskiptavinar áður en lausn er valin.
Við viljum ekki eingöngu selja búnað. Markmið okkar er að vera traustur tæknilegur samstarfsaðili viðskiptavina okkar til lengri tíma – frá fyrstu ráðgjöf og vali á búnaði yfir í uppsetningu, samþættingu, þjónustu og eftirfylgni.
Markmið okkar
Markmið FSK ehf. er að vera fyrsti kostur fyrirtækja sem leita að faglegum búnaði, áreiðanlegri þjónustu og tæknilausnum sem hægt er að treysta á.
Við trúum því að réttar tæknilausnir eigi að einfalda reksturinn, auka öryggi og skapa betri yfirsýn. Með því getum við hjálpað viðskiptavinum okkar að einbeita sér að sínu kjarnastarfi og áframhaldandi uppbyggingu.
FSK ehf. – faglegur búnaður, traust þjónusta og lausnir sem virka.
Hafðu samband
Sími: +354-790-0505
Netfang: fiskar@fiskar.is